Wiil U Dhashay Dalka China Oo Laba Jir Socodka Ku Bartay, Toddoba Jirna Caan Ku Noqday !

China 16. July 2017 (SDN/QJ):- Warbaahinta Dalka China ayaa si aad ah uga faalootay wiil yar oo Da’diisu 7 jir tahay, waxaana wiilkaasi lagu naanaysaa “Ninka Birta ah”, sababta magacaasi loogu bixiyay ayaa ah xooga iyo muruqyada uu jidhkiisu leeyahay isaga oo Da’yar.

Sidoo kale Jarriidada Telegraph ee ka soo baxda Dalka Britain oo ka faalootay wiilkan yar ayaa waxay sheegtay inuu ku nool yahay magaalada Hangzuou ee Gobolka Zhejiand ee Dalkaasi China, wiilkan awooda uu Ilaahay siiyay iyo jidhka xoogan ee uu leeyahay isaga oo aad yar ayaa waxa magaciisa la yidhaahdaa Shen Yi waxaana caan ka noqday guud ahaan Dalkaasi China, hooyada dhashay wiilkan oo la yidhaahdo Zhang Hong ayaa waxay tidhi “Waxa uu socodka bartay isaga oo laba bilood jira, waxaanu bartay sida Baaskiilka loo kaxeeyo isaga oo aan gaadhin Dugsiga xanaanada carruurta”.