“Waxaan Ku Dedaali In Aanu Codkiinu Meel Khasaare Ah Ku Dhicin” Cabdirashiid Xasan Mataan oo Boorama Gaadhay DAAWO

Boorama 27.Nov 2015 (SDN/QJ):- Cabdirashiid Xasan Mataan oo todobaadkan iska casilay musharraxa Madaxweyne xigeenka xisbiga UCID, ayaa lagu soo dhaweeyay magaalada Boorama. Socdaalkiisa ayaa la xidhiidha socdaal uu hore u sheegay inuu la tashi samayn doono dadka taageersanaa.
Cabdirashiid Xasan Mataan ayaa dadkii soo dhaweeyay ku dardaaray inuu kula dadaali doono sidii aan codkoodu meel khasaarisa ugu dhici lahayn. Waxa uu sheegay in halgankiisa horumar doonka iyo hirgalinta dimuqraadiyadda sii wadi doono, islamarkaana uu hadda la tashan doono dadkii taageersanaa.
Cabdirashiid ayaa sheegay inuu xisbiga Ucid uga baxay markii uu la shaqayn kari waayay Faysal Cali Waraab, sidoo kalena ay kala aragti noqdeen Jamaal Cali Xuseen oo musharaxa xisbiga ah. Wuxuu ka digay burbur ku soo foolleh UCID.