Wasiirkii Hore ee Wasaaradda Warfaafinta Iyo Wacyigelinta Mudane Caddaani oo Maanta Wareejiyey Xilkii Wasaaradaasi DAAWO

Hargaysa 20. December 2017 (SDN/QJ):-Wasiirka Cusub ee Wasaaradda Warfaafinta Iyo Wacyigelinta Jamhuuriyadda Somaliland Mudane C.raxmaan C.laahi Faarax (Guri-barwaaqo) iyo Wasiir ku Xigeenka Wasaaradda Warfaafinta iyo Wacyigelinta Mudane Maxamed Muuse Abees ayaa maanta si rasmi ah xilkii ugala wareegay Wasiirkii Hore ee Wasaaradda Warfaafinta iyo Wacyigelinta Mudane Cismaan Cabdilaahi Saxardiid Caddaani.

Munaasibada Xilwareejinta oo lagu qabtay Hoolka Wasaaradda Warfaafinta ayaa waxaa ka qayb galay agaasimaha Guud ee Wasaaradda Warfaafinta Iyo Wacyigelinta,wasiiru dawlihii hore ee wasaaradda,maareeyahay tv-ga qaranka iyo maareeye ku xieenka tv-ga qaranka,Agaasime-waaxeedyada Wasaaradda Warfaafinta iyo Shaqaale weynaha wasaaradda Warfaafinta,dhaqanka iyo Wacyigelinta.

Xubno ka mid ah Shaqaale weynaha Wasaaradda Warfaafinta iyo Wacyigelinta ayaa ku amaanay Wasiirkii hore ee Wasaaradda Warfaafinta iyo Wacyigelinta Mudane Cismaan Saxardiid Caddaani hawl qabadkii baaxadda lahaa ee uu Ka gaystay Wasaaradda Warfaafinta Iyo Wacyigelinta gaar ahaana simida Xuquuqda Shaqaalaha Wasaaradda Warfaafinta.