Wasiirka Ganacsiga oo furay Xarunta dhexe ee Shirkada Juba Express ee Magaalada Hargaysa

Hargaysa 18.Fec.(SDN)   Wasiirka wasaarada Ganacsiga JsLand Mud,C/risaaq khaliif  Axmed, ayaa manta   ka qayb galay xaflad lagu furayay   Xawaaladda  Jubba Express Xarunteeda Hargeysa  oo lagu qabtay huteel Maan soor magaalada Hargeysa.

Xafladaasi oo ay ka soo qayb galeen   Ku xigeenka  Maayirka Caasimadda Hargeysa Mud, C/casiis Maxamed xaashi, ku xigeenka 1aadee xisbiga Kulmiye,Maxamed kaahin Axmed, Af-hayeenka  Xisbiga Wadani Mud,Ibraahim Maxamed Buuba, Gudomiyaha Ururka Odxa Fadimo Siciid, iyo Marwo,Edna Aadan Ismaaciil,  ayaa waxa ugu horayn halkaasi ka hadlay wasiirka Ganacsiga  Mud, C/risaaq Khaliif Axmed, waxaanuu mulkiilayaasha shirka da  Jubba Express  ku amaanay  tallaabada maal-gashi ee ay dalka ka hir geliyeen.

Waxaanuu Wasiirku sheegay in qof kasta oo wax wanaagsan iyo talaabo horumar leh dalka ku soo kordhiya uu mudan yahay  in la dhiiri geliyo lana ammaano.

Ku xigeenka Duqa Caasimada  Hargeysa, Mud, C/casiis Maxamed Xaashi, oo isna halkaasi ka hadlay, ayaa  sheegay in uu rajaynayo shirkada Jubba Express in ay n kaalin wanaagsan ka qaadan doonto  adeega   bulshada  eedhinaca xawilaada , isla markaasina  ku soo biiristeedu ay shirkada nooceeda ah ku korodhinayso tartan ganacsi oo saaxada la wadaaga.

Gudoomiyaha Shirka  Jubba Express C/salaam  Xasan  Giire, ayaa waxa uu sheegay in markii ugu horeysay shirkada la Aasaasay sanadkii 2010-kii,xafiiskii ugu horeeyey ee shirkadanalaga furay magaalada Burco  May,2011-kii. Waxaanuu gudoomiyaha shirkadu intaa  raaciyey in ay haatan qaaradaha  kala duwan ee aduunka ka hawlgasho.

Gudoomiyaha shirkada  Jubba Express waxa  uu faahfaahin  ka bixiyey Hadafka fog, himiladda  iyo howl-galada shirkadda.

Hargaysa SDN.