Wasiirka Boosaha iyo Isgaadhsiinta Somaliland oo Shirkadaha Isgaadhsiinta iyo Laydhka ugu baaqay inay Xadhkahooda dhulka Mariyaan

Hargaysa 27.April (SDN)   Wasiirka wasaarada  Boosaha iyo isgaadhsiinta Md. Cali Cilmi  Geele ayaa ugu baaqay shirkadaha isgaadhsiinta ee dalka in ay xadhkaha  telefoonada ee ay adeegsadaan ay dhulka hoostiisa mariyaan .

Wasiirku waxa uu sheegay in xiliyada roobabka iyo dabaylahu ay jiraan  xadhkaha isgaadhsiintu xayiraad  ku keenaan isu socodka Gaadiidka iyo Dadka,  waxaana uu tilmaamay in xiligan oo dalka ay ka hawlgalaan shirkado isgaadhsiineed oo baaxad lihi  ay culays ku hayaan magaalooyinka  xadhkaha   isgaadhsiinta ee ay adeegsanayaan isaga oo shirkadahana u jeediyay in ay adeegsadaan habka ugu sahlan ee arintaas wax looga qaban karo oo uu sheegay in ay tahay iyada oo xadhkaha isgaadhsiinta dhulka hoostiisa la dhigo.

Dhanka kalana wasiirku wax uu sheegayin wasaarada boosaha iyo isgaadhsiintu  ay diyaar u tahay sidii  gacan ay uga siin lahayd  dhinaca isgaadhsiinta shirkadaha caalamiga ah eemaalgashiga ku samaynaya  dalka .

Wasiirku waxa uu tilmaamay in wasaaradu doorweyn  ku leedahay  dakhliga dalka haatana ay ku guda jiran qorshayaal lagu  balaadhinayo adeega wasaaradu bulshada  ugu aadantahay.

Hargaysa SDN.

Qurbejoog.com