Gollaha Wasiirada oo ka dooday heshiiska Norway iyo Soomaaliya

Muqdisho June 06, 2024(QJ)-Golaha Wasiirada Xukuumadda Federaalka Soomaaliya oo maanta yeeshay kulankoodii todobaadlaha ahaa ayaa dib u eegis ku sameeyay dib u eegista sharciga aqoonsiga qaranka iyo diiwaan gelinta madaniga ah iyo heshiiskii iskaashiga siyaasadeed ee ay wada gaareen Soomaaliya iyo Norway.

Kulanka oo uu shir guddoominayay Ra’iisul Wasaare ku xigeenka ahna Wasiirka Cadaaladda Saalax Axmed Jaamac ayaa warbixin looga dhageystay warbixinno ku saabsan amniga dalka oo ay soo diyaariyeen Wasaaradaha Amniga Gudaha iyo Gaashaandhigga.

Mas’uuliyiinta labada Wasaaradood ayaa Golaha Wasiirada u gudbiyay warbixino la xiriira howlgallada ciidamada iyo dadaallada lagu xasilinayo amniga dalka.

Sidoo kale, Goluhu waxa uu ka gudoomay warbixino la xidhiidha safarro shaqo oo ay ku soo mareen wasaaradahooda dalka dibadiisa, sida Wasaaradaha Caafimaadka iyo Adeegga Bulshada, Isgaadhsiinta iyo Tignoolajiyada, Maaliyada, Gaadiidka iyo Madaaradda, Beeraha iyo Xanaanada Xoolaha, kuwaas oo soo bandhigay guulihii laga soo hooyay safarkooda.