Wareegii 1aad doorashada Madaxweynaha Galmudug oo dhamaaday & tirinta codadka oo socota

Cadaado 03. May 2017 (SDN/QJ):-Waxaa goor dhow soo dhamaatay codeynta wareegii 1aad ee doorashada madaxweynaha Galmudug ee ka socota magaalada Cadaado taasoo ay ku tartamayaan illaa 3 musharax oo kala ah Axmed Ducaale Geelle Xaaf, Axmed Shariif iyo C/qaadir Shirwac.

Guddiga doorashada ayaa waxay musharaxiinta ka dalbadeen iney soo dirsadaan wakiilo goob joog ka noqda tirinta codadka si mid walba loogu dhiibo codadka musharaxa uu ka socdo ka dibna loo tiriyo, waxaana hadda bilaabaneysa tirinta codadka la kala helay oo lagu dhawaaqayo.

Musharaxii hela 3/2 tirada guud xildhibaanada oo gaaraya 89 xildhibaan ayaa noqonaya ninka ku guuleysta doorasahda hadiise la waayo musharax tiradaas hela waxaa la galayaa wareeg 2aad ee doorasho ah kaasoo ay u soo gudbayaan labada musharax ee ugu cod badan kuwaasoo cod hal dheeri ah ku kala bixi doona

Wixii warar ah ee ku soo kordha kala soco wararkeena soo socda insha ALLAAH.