Warbixin ku saabsay Culimo Muslimiin ah oo lagu Dilay Maraykanka & Saamaynta ka dhalatay DAAWO

New York 15.Aug 2016 (SDN/QJ):- Culimo Muslimiin ah ayaa lagu laayey magaalada New York ee waddanka Maraykanka, kuwaasoo Masjid ku yaalla magaaladaas ka ahaa Imaan iyo ku-xigeenkiisii, isla markaana uu Toogtay Nin Hubaysan oo aan illaa hadda la shaacin ujeeddada rasmiga ah ee uu Culimadaa u laayey.

Muslimiinta ku dhaqan magaalada New Yor ee Dalka Maraykanka, ayaa dhigay Bannaan-baxyo ay kaga soo horjeedaan dilka lagula kacay Culimadaas, iyaga oo dowladda Maraykanka ka dalbaday inay Cadaaladda hor-keento ciddii geysatay iyo ciddii ka dambaysay dilka labadaas Sheekh.

 

Illaa hadda ma cadda Sababta loo laayey Culimadaas, hase-yeeshee waxa la sheegayaa in sababta loo dilay ay tahay mid ku salaysan Islaam nacayb, kuwaasoo markii ay ku dhaawacmeen Rasaasta uu ku furay loola cararay Cusbitaalka oo ay markii dambe ku geeriyoodeen.

 

Haddaba, War ku saabsan qaabka labadaas Sheekh loo dilay, Dalalka ay u dhasheen iyo Xogaha illaa hadda laga hayo dilkoodaba, waxaannu idiinku soo gudbinaynaaa Muuqaal-dhegaysigan hoose ee Daawasho-dhegaysi wacan oo wanaagsan:-