Warbixin Iftiiminaysa Tirada Dadka Sanadkii Hore Lagu Qalay Cisbitaalka Guud Ee Hargeysa,Intee Dhimatay Inteese badbaaday?
Hargaysa 13.Oct 2014 (SDN/QJ)- Wasiirka Wasaaradda Caafimaadka Somaliland Dr Saleebaan Ciise Axmed Xaglotoosiye, ayaa ka hadlay tirada guud ee dadka lagu qalay sanadkii hore Cisbitaalka guud ee Hargeysa inta dhimatay iyo dadk badbaaday.
Waxaa kale oo uu Wasiirka Wasaaradd Caafimaadka Somaliland waxba kama jiran ku sheegay oo uu beeniyay warar sheegayay in Cisbitaalka guud ay ka jirto adeeg la,aaan caafimaad isla markaan warkaas ayuu ku tilmaaamay mid dacaayd ah oo aanay waxba k jirin.
Wasiirku Waxa uu sheegay inuu Maxakamad la tiigsanayo Wargeyska Warkaasi baahiyey, waxa uu tilmaamay inay jiraan dad u arka in Horumarka Cisbitaalku in uu dhibaato ku yahay Ganacsigooda
“Annagu cid gaara tilmaami mayno laakiin,cidkasta oo warkaas ka dambeysay aad baanu u Cambaaraynaynaa.Wargeyska warkaas baahiyayna Maxakamad baanu la tiigsanaynaa, waanu caddaynayaa warkan uu sheegay” ayuu yidhi Wasiirka Caafimaadku.
Wasiir Xaglotoosiye waxa uu sheegay in Cisbitaalku sameeyay horumar balaadhan “Cisbitaalku, horumar aad iyo aad u wanaagsan oo runtii la taaban karo oo Mushatamacu ogyahay ayuu ku talaabsaday.Adeegyo badan oo Caafimaad oo aan hore loo dabooli jirin ayuu daboolay.Caafimaad dibada loo tegi jiray ayaa halkan laga helaya hadda, waxa jooga dhakhaatiir aqoon u leh hawsha ay qabanayaan, Dawo tayo leh baa la keenaa oo Waa Cisbitaal Qaran ee maaha Cisbitaal Hargeysa” ayuu yidhi Wasiirku.
Wasiirku waxa uu sheegay in Hiigsigoodu yahay sidii Cisbitaalka guud looga dhigi lahaa mid Gobolka oo dhan looga yimaado islamarkaana daboola baahiyaha Wadamada jaarka ah “Kun iyo sagaal boqol oo qof ayaa sanadkii hore la qalay, waxa dhintay saddex qof.waad dareemi kartaa 1900 oo qof oo 3 dhimatay, Kun iyo sideed boqol bay hadda maraysaa 3 Qof baa dhintay,markaa waa Dacaayad ku-tidhi ku-teen ah waxan Foore qoray.Mushtamaca waxaan ugu digayaa inay iska hubsadaan waxyaabaha la qoro.Joornaaladana waxaan leeyahay ilaaliya Anshaxa Saxaafadda” ayuu yidhi Wasiirku.
Wasiir Xaglotoosiye waxa uu Bulshada ugu celceliyay in warkaasi been yahay islamarkaana ay bulshadu ka faa’iidaysato Adeegga caafimaad ee Cisbitaalka Guud.
Wasiirku waxa uu dhanka kale Eedayn dadban u jeediyay Xarumaha caafimaad ee gaarka loo leeyahay oo uu sheegay inay dadka Lacagta ka dhamaystaan marka ay waxba ka qaban kari waayaana Cisbitaalka guud u soo gudbiyaan, iyadoo xataa dadka Cisbitaalka guud ku dhintay yihiin kuwo loo soo gudbiyay xilli aan waxba laga qaban karayn.
“Waxaan ka codsanayaa Ruggaha Caafimaad ee gaarka loo leeyahay(Private Clinic), anagu diyaar baanu u nahay inaanu wada shaqayno oo aanu dadka u wada adeegno, Cisbitaalkani waa kii qaranka, waxaanu jecelahay inuu Bukaanka aad u soo gudbinaysaan noqdo mid ku jira heerkii wax laga qaban karayay ee aanu Cisbitaalku idiin noqon midaad ku soo tuurtaan dadka aad u taag waydaan” ayuu yidhi Wasiir Xaglo Toosiye.
Wasiirku waxa uu intaasi raaciyay “xataa inta dhimatay waxaa Maamulka Cisbitaalku ii sheegay inay yihiin dad in badan lagu hayay Ruggaha Caafimaadka ee gaarka ah oo Lacagtii laga dhamaystay,waxba laga qaban kari waayay ka dib Cisbitaalkii loo keenayo.
Dhakhaatiirta Ganacsigu waxay Qofkaas u soo tuurayaan laba sababood, mid waxa weeye inuu arkay inaanu waxba ka qaban karaym, takalena waxa weeye inuu Xaruntiisa dhimashada ka yareeyo oo aan lagu dhiman. Waxaan codsanayaa in dadka aad soo gudbinaysaan ama dibada u diraysaan yahay mid ku jira heerkii wax laga qaban karayay laakiin haddii kale halkiisa ku haya meelna ha u dirina” ayuu yidhi Wasiir Xaglo toosiye
Hargaysa SDN/QJ