War Deg Deg ah: Taliyihii Ciidanka Koofiyad Casta ee Gobolka Sanaag oo Askari uu Xukumayay Ceerigaabo ku dilay
Ceerigaabo 13.June 2015 (SDN/QJ)- Rabi Haw Naxariisto Taliyihii Ciidanka Koofiyad Casta Ee Gobolka Sanaag Siciid Cabdi Warsame Ayaa Geeriyooday Goor dhawayd oo Caawa ah kadib markii Askari uu Xukumayay uu rasaas ku dhuftay Xili uu ku Sugnaa Gudaha Magaalada Ceerigaabo .
Taliyaha ayaa u Geeriyooday Tacshiirad rasaas ah oo uu Huwiyay Mid ka Mid ah Askarta uu Xukumayay kaas oo markii danbe ay la baxsadeen Koox kale oo la socotay iyadoo Ciidamada amaankuna ay ku Guuldaraysteen soo qabashada Gacan ku dhiiglaha,inkastoo la sheegay in lagu dabo Jiro sidii gacanta loogu soo dhigi lahaa Askarigii Falkan gaystay.
Hab dhaqanka Khaarajinta Saraakiisha ayaa ku soo badanaya Somaliland taas oo dadka u dhuun daloolaa ay ku macnaynayaan Fulin la’aanta Xukunada dilka ee Ciidamada Sidoo kale Dhacdadan ayaa ku soo beegmaysa Xili uu Caasimada Hargaysa ku Sugan yahay Gudoomiyihii Gobolka Sanaag Axmed Cabdi Fly.
Ceerigaabo SDN/QJ