War Deg Deg ah: Ra’isal Wasaaraha Somalia oo Magacaabay Wasiirka Amniga,Taliyihii Ciidanka Booliska,iyo Saraakiishii amniga oo Fashilkii ku yimid uu Xilkii kaga qaaday

Muqdisho 09.July 20014 (SDN/QJ)- R/wasaare Dr. C/weli Sheekh Axmed Maxamed ayaa magacaabay wasiirka Amniga Qaranka, isagoo xilalkii ka qaaday taliyayaasha ciidamada Booliiska iyo nabadsugidda una magacaabay taliyayaal cusub.

Wasiirka warfaafinta iyo hanuuninta dad waynaha xukumada Fereaalka Soomaaliya , Musftaf Sh.  Cali Dhulow oo shir jaraa’id  warbaahinta ugu qabtay    wasaradda warfaafinta   ayaa sheegay  in is badal  wayn lagu sameeyay lamaha amniga dalka, kadib weerarkii  ay shabaab   xalay ka gaysteen  xaruunta madax tooyada Qaranka  Soomaaliya, kaasi oo ay fashiliyeen cimadda dowladda.

Wasiirka  warfaafinta ayaa  tilmaamay in   wasiirka Amniga Qaranka  loo magacaabay,  S/guuto Qaliif Axmed Ereg, iyadoo xilkii laga qaaday taliyihii ciidanka Booliiska S/guuto C/xakiin Daahir Sacid halka taliyaha cusub ee boliska loo magacaabay  S/guuto Maxamed  Sh. Xasan Ismaciil , sidoo kale waxaa xilkii laga qaaday agaasimihii hey’adda sirdoonka iyo nabadsugida S/gaas  Bashiir Maxamed Jaamac,  waxaana si KMG ah xilkaasi he’yadda  u heynaya G/sare Maxamed C/llaahi Xaamud.

Wasiirka Warfaafinta ayaa xusay in R/wasaaruhu uu xeeriyay in taliyaha qeybta guud ee booliiska G/Banaadir iyo taliyaha booliiska G/Banaadir ay si toos ah u hoos tagayaan gudoomiyaha gobolka Banaadir.

R/wasaaraha ayaa faray wasiirka Amniga Qaranka inuu fuliyo amarkan islamarkaana uu si dhaqsa ah uga howlgalo sugidda amniga Qaranka, isagoo dhinaca kale hogaaminta booliiska iyo nabadsugida ku amray iney si adag oo dhiifoon u fuliyaan howshooda.

Go’aankan deg dega ah ee R/wasaare Dr. C/weli Sh. Axmed uu qaatay ayaa ka dambeeyay weerar ay ciidamadu fashiliyeen oo Kooxda alshabaab  ku soo qaadeen xalay xarunta madaxtooyada Qaranka ee Villa Soomaaliya.

Muqdisho SDN/QJ

contact@qurbejoog.com