War Deg Deg ah: Nin ku dhintay Danab ku dhacay Duleedka Boorama iyo Mid kale oo ku dhaawacmay

Boorama 21.April (SDN)  Alle ha U Naxariistee Hal Qof ayaa ku Dhintay mid kalena wuu ku dhaawacmay Kadib markii Makhribnimadii Caawa uu danab ku qabsaday Deegaanka Sog Sogley oo 3 Km dhinaca Galbeed kaga beegan Magaalada Boorama.

labadan Ruux ee danabku ku dhacay oo rag ahaa ayaa Marxuunka Geeriyooday Waxaa lagu magacaabi Jiray Cabdi Muxumed Geele halka ka ku dhaawacmay danabkan la Yidhaa Maxamud Xasan Caamir ,Sidaana Waxaa Shabakada Qurbejoog.com u Xaqiijiyay Dr Caydaruus Cabdi oo ka Mid ah Hawl Wadeenada Cisbitaalka Magaalada Boorama.

Maayarka Magaalada Boorama Saleebaan Xasan Xadi oo ay Weheliyaan Qaar ka mid ah Xildhibaanada Golaha Deegaanka ee Boorama ayaa u gurmaday Deegaanka uu Danabku ku dhacay waxaanay ka soo qaadeen Maydka Marxuunka iyo ninka ku dhaawacmay oo hada lagu dawaynayo Cisbitaalka Magaalada Boorama.

 

Deegaanka Sog Sog ley ayaa Sannadkii hore waxaa sidan oo kale ugu Geeriyooday Sadex qof kadib markii uu haleelay danab ka dhashay Raxmaadka eebbe.

Boorama SDN.

Qurbejoog.com