War Deg Deg ah “Madaxweynaha Somalia oo Magacaabay Ra’isal Wasaare Dhalashadiisu tahay Dalka Canada”

Muqdisho 12.Dec 2013 (SDN)- Madaxweynaha Soomaaliya Xasan Sheekh Maxamuud ayaa Cabdiweli Sheekh Axmed u magacaabay raysul wasaaraha cusub ee xukuumadda federaalka ah ee Soomaaliya.

Cabdiweli Sheekh Axmed waa aqoonyahan ku takhasusay dhaqaalaha.

Madaxweynaha ayaa xarunta madaxtooyada ee Muqdisho ku qabtay shir jaraa’id oo uu ku magacaabay raysul wasaaraha cusub.

Cabdiweli waa aqoonyahan Soomaali ah oo haysta dhalashada Canada, wuxuu ka qalinjebiyay jaamadda Ottawa, wuxuuna la soo shaqeeyay Bankiga Horumarinta Islaamka.

Raysul wasaaraha cusub wuxuu haystaa 30 maalmood oo uu ku soo dhiso Gole Wasiirro, kuwaas oo uu codka kalsoonida u qaadi doono baarlamaanka Soomaaliya.

Waa raysul wasaarihii labaad oo ay Soomaaliya yeelato 14 bilood gudahood.

Raysul wasaarihii hore ee Soomaaliya Cabduqaadir Faarax Shirdoon ayaa toddobaadkii hore ku guul-darreystay inuu helo codka kalsoonida ee baarlamaanka.

Muqdisho SDN.

Qurbejoog.com