War Deg Deg ah; Aaden Rooble Cawaaleh oo Jabuuti ku geeriyooday, iyo ergeyga USN ee Canada oo Tacsiyadeeyay
Jabuuti Nov 01,2014(SDN/QJ)-Waxa dalka Jamhuuriyada Jabuuti ku geeriyooday allaha u naxariistee siyaasi Aadan Rooble Cawaale oo dalka si weyn looga yaqaano.
Geerida Maxuum Aadan Rooble ayaa waxa inoo xaqiijiyay ergeyga dalada mucaaridka Jabuuti ee USN ee dalkan Canada Md Xuseen Cabdiraxmaan Cadhoole.
Md Xuseen Cadhoole ayaa waxa shacibka reer Jabuuti iyo ehelkii uu ka baxay marxuum Aadan Rooble Cawaale ka tasiyadeed geerida naxdinta leh, sidoo kalena waxa uu marxuumka eebe uga baryay in uu janadii fardoosa ka waraabiyo.
Marxuum Aadan ayaa alllaha u naxariistee waxa uu xubin ka ahaa gollaha shacabka ee dalka Jamhuuriyada Jabuuti oo uu ka mid ahaa xubnaha dhawrka ah ee mucaaridka ah ee Baarlamaanka ka tirsan.
Siyaasiga ayaa eebe ha u naxariistee qeyb door ah ku lahaa halgankii dalka looga xoreeyay gumeystihii Faransiiska iyo taariikhda siyaasadeed ee Jamhuuriyada Jabuuti.
SDN/QJ-Jabuuti