Vladimir Putin oo sheegatay in uu ku guuleystay dooroshooyinkii Ruushka

Moscow Mar 05,2012(SDN)-Vladimir Putin ayaa ku dhawaaqay in uu ku guuleystay doorashooyinkii madaxtinimada dalka Ruusha shalay ka dhacday ka dib kolkii warbaahinta dawlada ay shaacisay in uu Putin helay tiro cod ah oo aad u faro badan.

Mucaaridka ka soo horjeeday Putin iyo kormeereyaasha Doomashooyinka ayaa dhankooda sheegay in doorashooyinku ahaayeen qaar lagu shubtay.

Putin oo haatan ah raiisul wasaaraha Ruushka isla markaana hore madaxweyne u soo noqday ayaa guusha ka sheegay isu soo bax balaadhan oo taageereyaashiisu ku qabteen Moscow xalay fiidkii.

Mucaaridka ayaa hore u qaadacay doorashooyinka isla markaana sheegay in ay isu soo baxyo waaweyn sameyn doonaan maanta.

Natiijooyinka horu dhaca ah ayaa tibaaxaya in Mr Putin helay ilaa %60 codadka la tiriyay,halka musharaxa xisbiga Hantiwadaagu helay %20 codadka la tiriyay ilaa iyo haatan.

Kormeereyaashuse waxa ay ku andacoonayaan in isdaba marin faro badani jirto oo si weyn loogu shubtay.

SDN-Moscow
contact@somalidiasporanews.com