Urur siyaasadeedka Nasiye ayaa qaabilay Dhaliyaro Ka tirsan Axmed Dhagax oo ku soo biiray ururkaasi
Hargeysa Feb 11,2012(qurbejoog.com)-Xaflad soo dhaweyn ah oo loo sameeyay Dhalinyaradan ku soo biirtay Ururka Nasiye ayaa lagu Qabtay Hudheel Hadhawanaag.waxaa ka soo qayb galay Masuuliyiinta sarsare ee Ururkaasi oo u hogaaminayo Gudoomiyaha koowaad ,iyo Xoghayaha Ururka Nasiye.
Waxaana ugu horeyntii halkaasi ka hadlay Aadan Maxamed Aadan oo ku hadlayay afka dhalinyarada ku soo biirtay Ururkaasi,isagoo u Mahadceliyay Masuuliyiinta urur siyaasadeedka Nasiye oo iyagu dadedaal badan ugu jira sidii isbedel siyaasadeed ugu dhalan lahaa dalka kaas oo ay hormood ka tahay dhalintu,
Sidoo kale Ciyaartoyga Caanka ee Haybe Good Hure oo ka mid ahaa xulkii gobolka hawd ayaa sheegay in ururka Nasiye uu markasta la garab taagnaa Hiil hooba markii uu socday Tartankii gobolada dalka,isagoo xusay inay marwalba taageero u fidin jireen,waxaanu ururka u soo jeediyay sidii ay uga a qayb qaataan lahaayeen dhismaha Wadada Isku xidha Bali Gubadle iyo Hargeisa.
Gudoomiyaha Ururka Nasiye Axmed Muxamed Cumar oo Xafladaasi ka hadlay ayaa aad u soo dhaweeyay dhalinyaradan ku soo biirtay Ururka Nasiye,isagoo hoosta ka xariiqay baahiyaha Keenay in Ururkan Nasiye la asaaso, Gudoomiyaha Ururka Nasiye Axmed Muxamed Cumar waxa uu sheegay in la gaadhay xiligii ay dhalinyaradu talada dalka ka qayb qaadan lahaayeen,isla markaana ay urur ahaan soo dhawaynayaan sidii ay dhalinyaradu uga qayb qaadan lahaayeen saaxada siyaasada ee dalka.
Qurbejoog-Hargeysa