Toos u DHAGAYSO Tartanka Ciyaaraha Goboladda Somaliland ee Magaalooyinka Boorama Iyo Burco

Hargaysa 05.Oct 2015 (SDN/QJ)- Waxaa Maanta ka Furmay Magaalooyinka Boorama iyo Burco Wareegii Kowaad ee Tartanka Ciyaaraha Gobolada Somaliland oo ay Sannadkan ka qayb qaadanayaan 14-ka Gobo lee Somaliland ka Kooban tahay.

Ku simaha Madaxweynaha ahna Madaxweyne Ku Xigeenka Jamhuuriyadda Somaliland Mudane C.raxmaan C.laahi Ismaaciil Saylici iyo Mas’uuliyiin ka Tirsan Golayaasha qaranka ayaa Magaalada Boorama kaga qayb galay Ciyaarta Furitaanka Tartanka Ciyaaraha Goboladda Somaliland.

Khudbad Kooban oo Madaxweyne ku Xigeenku ka Jeediyay Bilowga Tartanka ayuu ku sheegay inuu ku faraxsan yahay in Markii 1aad lagu qabto Magaalada Boorama Tartanka Ciyaaraha Gobolada taas oo Wax weyn ka taraysa ayuu yidhi is dhex galka bulshada waxa uu Madaxweyne ku xigeenku kula dardaarmay Shacabka Gobolka Awdal inay si Milgo leh u soo dhaweeyaan Xulalka ay Martigeliyeen isagoo sidoo kalena ugu baaqay Xulalka gobolada Hawd, Hargeysa, Awdal, Gabiley, Salal, Buuhoodle iyo Saaxil inay la Yimaadaan qaab ciyaareed wanaagsan.

Labada Xul Awdal iyo Hawd ayaa isku haleelay Ciyaarta Furitaanka ee Garoonka Magaalada Boorama Waxay labada Xul soo bandhigeen hanaan Ciyaareed farsamadiisu sarayso, iyadoo Xul waliba ku dadaalayay inuu Guusha kala hoydo Garoonka,Qaybtii Kowaad ayaa Ku Dhamaatay Eber Iyo Eber.

 

GUJI HALKAN OO MOBILKAAGA KA DHAGAYSO TARTANKA CIYAARAHA GOBOLADA SOMALILAND