Tiro Carruur ah Oo Ku Geeriyootay Walxaha Qarxa Oo Ay Ku Ciyaarayeen Gudaha Gobolka Bay
Mansaas:Dec,26,2014(SDN/QJ)-Wararka naga soo gaadhaya Tuulada Mansaas oo qiyaastii 45-km u jirta magaalada Baydhabo, ayaa waxa ku geeriyootay Laba Carruur ah, halka uu mid kalena soo gaadhay Dhaawac culusi, kadib markii ay garaaceen walax qaraxda oo ay ka heleen Goob ay joogeen.
Warku waxa uu intaas ku darayaa in Wiilka yare e dhaawac ah xaaladiisu liidato, isla-markaana dhakhaatiirtu la tacaalayaan sidii ay u dabiibi lahaayeen.
Al Shabab ayaa weli ka arimiya goobtasi mana jiraan Warar intaas ka oo baxsan oo ay heshay Warbaahinta.
Walxaha qarxa ayaa galaafta nafta Boqolaal soomaali ah, waxana Gebi ahaanba dhulka Somaliya Gudihiisa lagu arkaa dhacdooyin kuwan oo kale ah, waxana dhulka wali ku jira Hadhaaga Hubkii la isku adeegsaday Dagaalladii Sokeeye ee Dalka ka dhacay.
SDN/QJ
Contact@somalidiasporanews.com