Tiknoolajiyada Dagaalka Xiddigaha, Gantaalo Cusub Oo Ciidammada Badda Ee Maraykanku Hirgaliyeen !

Washington 11. August 2017 (SDN/QJ):- Tiknoolajiyada Dagaalka Xiddigaha waa magaca Cusub ee ay Khubarada falanqeeya Hubka Casriga ahi u bixiyeen Gantaalaha Cusub ee Tijknoolajiyada haatan loo adeegsado, waxaanay gantaalaha noocaasi oo kale ah Jarayaan Xawaare ku lix jibaarmaya Xawaaraha Codka.

Ciidammada Badda ee Dalka Maraykanka ayaa dhawaan soo saarey gantaal cusub oo la yidhaahdo Railgun, iyadoo dhawaan lagu soo bandhigi doono Virginia.

Afhayeenka ciidammada badda ee Dalkaasi Maraykanka ayaa sheegay in Gantaaladaasi dhawaan la hirgalin doono sida lagu soo bandhigay Barta New Atlas oo Wargeyska Himilo kasoo xigtay.

Arrinta kale ee gantaalkani kaga duwan yahay gantaaladii hore ayaa ah in gantaalka Railgun uu si darrandoori ah u dhacayo oo la tijaabiyay, isla markaana ay tijaabadaasi guulaystay si kastaba ha ahaatee Tiknoolajiyada Dagaalka xiddigaha ayaa waxa ku loolamaya quwadaha kala duwan ee Awooda Dunida ku loolama.