Taraafikada Muqdisho Oo Ciidamo Ilaalo u ah Loo Sameeyey
Muqdisho:July08,2014(SDN/QH)-Ciidamada Ilaalada waddooyinka Muqdisho ee loo yaqaano Taraafikadda ayaa loo sameeyey Ciidamo boolis ah oo gaadh u ah iyaga.
Saaka ayaa markii ugu horraysay lagu arkay Badhtamaha waddooyinka Muqdisho ciidamo Boolis ah oo ilaalinaya Ciidamo Taraafiko ah, taas oo muujinaysa Cabsida haysa Ciidanka ilaaliya Waddooyinka.
Ilaalada loo sameeyey Ciidanka Taraafikada ayaa ka dambeysay dilal Maalmihii dambe loogu geysanayay Magaalada Muqdisho.
10 Cisho ee ugu horeeyo Bishan Barakeysan ee Ramadaan oo kaliya ayaa Magaalada Muqdisho waxaa lagu Khaarajiyay in ka badan 50 qof oo Ciidamo iyo Masuuliyiin dowladda ka tirsanaa ay ka mid yihiin.
Dadka la laayey ayaa wax aka mid ahaa ciidamo Taraafiko ah, waxana soo baxaysay Hanjabaado ciidankaasi ka heleen Hogganka sare ee Al-shabaabka.
SDN/QJ
Contact@somalidiasporanews.com