Suldaanka Guud ee Beelaha Somaliland & Isbedelada Jirjiroole ee Ku Saabsan Dhawaqyada Iska Hor imanaya ee afkiisa ka soo Baxay DAAWO

Hargaysa 04. April 2017 (SDN/QJ):- Suldaanka Guud ee Beelaha Somaliland Suldaan Maxamed Sulddaan C.qaadir ayaa Marar kala duwan waxa ka soo yeedhay Dhawaqyo uu ugu Kala hiilinayo Murashixiinta Doorashada Somaliland Ku Loolamaya,Inkasta oo Doorkiisu yahay inuu dhex dhexaad u noqdo Tartamayaasha.

Madax-dhaqameedka ayaa ah Hoggaamiyeyaasha dadban ee Ummadda reer Somaliland, waxayna awood u leeyihiin inay damiyaan Mushkilad aanay awooddeeda lahayn Dawladdu, taana waxay ku heleen inay Dadka u dhexeeyaan, laakiin haddii Siyaasiyiintu ay Dano gaar ah uga faa’ideystaan Madax-dhaqameedka waxa meesha ka baxaya oo Dumaya kalsoonidii lagu qabay Madax-dhaqameedka, waxaana daciifaya ixtiraamkii Shacabku u hayeen Madax-dhaqameedka.

Ugu dambayn, waxa habboon in aan la lumin Kalsoonida lagu qabo Madax-dhaqameedka, maaddaama oo Salaadiinta iyo Cuqaashu yihiin kuwa ugu dambeeya ee Talada Ummaddu ka Go’do.