Sucuudiga : Nin Lagu Xidhay Qurraarad Cadar Ah Oo Uu Sitay !

Riyadh 05. May 2017 (SDN/QJ):-Ciidanka bileyska Magaalada Riyaad ee Dalkaasi sucuudiga ayaa gacanta kusoo dhigey nin Da’diisu tahay 30 jir, kadib markii uu mid ka mid ah baabuurta Ciidammada Bilayska ee magaaladaasi uu isku ag Sawiray isaga oo sita qurraarad cadar ah oo u eeg qurraaradaha lagu shubo Khamriga, isla markaaiina uu sawirkaasi ku baahiyey Barta uu ku leeyahay Facebook-ga.

Ciidanka oo tixraacey Account-ka gaarka ah ee uu ninkani ku leeyahay Facebook-ga ayaa markiiba gacanta ku soo dhigay, waxaanu qirtay inuu falkaasi ku kacay, ciidammada Sucuudiga ayaa had iyo jeer isku daya inay la dagaalamaan maandooriyayaasha kala duwan ee Dalkaasi la soo galiyo si aanay Da’yarta ugu dhex faafin.