Soomaaliya oo bixisay qidmadihii QM ay ku laheyd

NY (QJ) – Markii ugu horeysay muddo 35 sano ah ayaa Soomaaliya laga saaray liiska dalalka lagu leeyahay Golaha Guud ee Qaramada Midoobay.

Soomaaliya oo hadda xubin aan joogto ahayn ka ah golaha ammaanka ee Qaramada Midoobay ayaa si buuxda u dhammaysay cashuuraha xubinimada, isla markaana aanay hadda ku jirin liiska dalalka lagu leeyahay.

Sida uu dhigayo Axdiga Qaramada Midoobay, dal xubin ka ah daynta lagu leeyahay ayaa luminaysa xuquuqdeeda codbixinta ee Golaha Guud.

Dukumeenti uu soo saaray Golaha loo dhan yahay ee Qaramada Midoobay ayaa lagu soo bandhigay liiska sagaalka dal ee hadda lacagaha lagu leeyahay, iyadoo Soomaaliya ay ka maqan tahay.