Somaliland: Wariye Tirsan Suxufiyiinta Ka Hawl-gala Magaalada Burco Oo Saaka Xabsiga Loo Taxaabay
Burco,28Nov,2015(QJ/SDN)-Wariyihii uga soo warami jiray magaalada Burco Shabakada Hadhwanaag Khadar Cabdirisaaq ayaa goor dhawayd ciidamada Boolisku xabsiga u taxaabeen.
Xadhiga Wariye Khadar Cabdirisaaq ayaa waxa la sheegayaa in uu ka danbeeyay maayaraka magaalada Burco oo dhibsaday warar horey looga baahiyay
 |
Wariyaha ayaa todobaadkii hore looga yeedhay xarunta CID –da halkaasi oo su’aalo lagu waydiiyay wariyuhuna uu ka jawaabay, balse maanta ayaa mar labaad looga yeedhay wariyaha xarunta CID-da halkaasi oo markii uu tagay loo sheegay inuu xidhanyahay.
Dhinaca kale, ma jiraan wax war ah oo kasoo baxay maamulka gobolka togdheer oo ku aadan xadhigaha wariye Khadar Cabdirisaaq.
Wixii warar ah ee kasoo kordha Kala soco wararkayaga danbe Insha Allaah.