Somaliland iyo SSC oo siyaabo kala xirfadeysan uga jawaabay qoraalkii Gollaha Amaanka

Hargeysa June 09, 2023 (QJ)– Somaliland waxay soo dhawaysay hadalka Golaha Ammaanka ee Qaramada Midoobay, balse waxay sidoo kale sheegtay in ciidankeedu ilaalinayo madax-bannaanideeda dhuleed. War-saxaafadeed ka soo baxay wasaaradda arrimaha dibadda ayaa lagu sheegay in golaha ammaanka uu u muuqday mid lagu marin habaabiyay xaaladda dhabta ah ee ka jirta magaalada Laascaanood, isla markaana ay ciidamada Somaliland ka baxeen magaalada Laascaanood 26-kii bishan February.

in la aqoonsado joogitaanka Al-Shabaab ee Laascaanood iyo gobolka Sool, taas oo aan khatar ku ahayn Somaliland oo keliya balse ay khatar ku tahay dalalka deriska iyo gobolkaba, waxayna golaha ugu baaqday inay garwaaqsadaan. Somaliland ayaa sidoo kale sheegtay in sida kaliya ee lagu xalin karo colaada Laascaanood ay tahay in ciidamada Puntland laga saaro magaalada Laascaanood.

War-saxaafadeedka ka soo baxay Somaliland ayaa lagu sheegay in tan iyo markii uu dagaalku bilaabmay ay ku baaqayeen wada hadal balse madax dhaqameedku ka biyo diideen, isla markaana ay hay’ado caalami ah gaadhsiiyeen gargaar bani’aadantinimo, isla markaana ay xukuumaddu gaadhsiisay adeegyo isugu jira cunto, biyo iyo adeegyo caafimaad. ilaa deegaanadii ay dadku ka barakaceen.

Warbixintu waxa ay sheegtay in ciidamada Somaliland ee ku sugan Sool ay difaacayaan madax-banaanida dhulka Somaliland, isla markaana xudduudaheeda la aqoonsan yahay markii ay xornimada qaadatay, isla markaana xuduudka Somaliland waafaqsan yahay qodobka 4-aad ee xeerka Midowga Afrika oo Qaramada Midoobay aqoonsan tahay.

Dhinaca kale warsaxaafadeed ka soo baxay SSC-Khaatumo ayaa lagu soo dhaweeyay go’aankii golaha ammaanka ee Qaramada Midoobay ka soo saaray xaaladda Laascaanood. Warsaxaafadeedka SSC waxa ay ku nuuxnuuxsadeen in ay u soo jeedinayaan golaha ammaanka in ay Somaliland ku cadaadiyaan in ay joojiyaan gardarada ay wadaan oo ay ciidamadooda kala baxaan gobolka. Waxa kale oo ay caddeeyeen inay ka go’an tahay inay wada-xaajood nabadeed la galaan ciidamada Somaliland. War saxaafadeedka ayaa lagu sheegay in Khaatumo ay aqoonsan tahay mabaadi’da Qaramada Midoobay ay ka go’an tahay xuquuqul insaanka, waxayna ugu baaqeen saaxiibadooda caalamiga ah inay gargaar la soo gaaraan dadka dhibaataysan.