“Somaliland iyo Alshabaab Waa Mataano” Wasiirka Amniga Punt land Xasan Aloore {DHAGAYSO}

Garowe 25.March 2014 (SDN)- Dowladda Puntland ayaa sheegtay inay ka feejigan yihiin weeraro kaga yimaada dhanka kooxda Alshabab ka dib socdaal uu madaxwaynaha Puntland maanta ku tagay goobaha ciidanka daraawiisha kaga sugan yihiin Galgala.

Wasiirka Amniga Xasan Cismaan Aloore oo maanta la hadlay Radio Garowe ayaa sheegay ammaanka Puntland inuu yahay mid wanaagsan balse kooxda Alshabab ay taageero iyo soo dhawayn ka hesho mamulka Somaliland.

Waxa uu sheegay inay labadaasi mataano yihiin oo ay Alshabab dhanka Sanaag kasoo galeen dhinaca Somaliland uu gacanta ku hayo wuxuna tilmaamay Puntland inay arintaasi la socoto.

”Baran annigu ma hayno Somaliland inay soo gaartay,waxanu haynaa inay ku sugan yihiin Ceerigaabo iyo aageeda,halkaasi waxaa mara badi alshababka ka imaanaya Koonfur waana la socotaan Shabab Puntland inay lee yihiin Colaad soo jireen ah balse Somaliland way soo dhexmaraan oo waxaaba ka dhaxeeya xeer ah ha i daarin ku daarimaayee” Wasiirka oo sii hadlaya ayaa sheegay inaan la isku hayn in Somalilnad ay garab iyo gaashaan siiyo Alshabab.

Socdaalkii Siilaanyo ee Laasqoray ayuu ku tilmaamay inuu ahaa mid dhuumasho ah oo aan cago badan ku taagnayn”Hadduu dan ka lee yahay wuu siijoogi lahaa mudo nusaac ah ayuu joogay marka maxaa balan qaadka ah dadka joogana waa dad Puntland ah”.

Guddoomiyaha Gollaha Guurtida Somaliland Saleebaan Maxamuud Aadan oo warbaahinta Hargaysa ka hadlayay ayaa sheegay mamulka Somaliland inuusan dagaal diyaar u ahayn balse loo baahan yahay madaxda Puntland inay nabadda iyo wada deganaasha ka shaqeeyaan.

Isagoo ka hadlaya socdaalkii Laasqoray ee Siilaanyo ayuu yiti Saleban” Deegaanada Madaxweynuhu soo maray dee waa deegaano Somaliland ah ,waxay ila tahay dalalkuna kuma dhisna abtirsiimo,xiriir bey leeyihiin ,xad bey leeyihiin,taariikh horey leeyihiin”.

Madaxwaynaha Puntland Dr.Cabdiwali Maxamed Cali Gaas oo maalinkii shalay magalada Bosaso kulan kula qaatay qaybaha kala duwan ee bulshada ayaa sheegay Somalinad inay maalgaliso ururka Alshabab si ay dagaalo iyo dhibaato uga fuliso Puntland.

GUJI HALKAN OO MOBILKAAGA KA DHAGAYSO HADALKA ALOORE
[peckplayer id=”1″ sound=”http://www.qurbejoog.com/waraysiyo/aloore.mp3″]
Garowe SDN.

Qurbejoog@gmail.com