Siyaasi Maxamed Cabdi Iskeerse oo Hargeysa Ku Geeriyooday

Hargeysa,18,6,2016 (QJ/SDN) – Alle ha U naxariistee waxa maanta Cisbitaalka Guud ee Hargeysa ku geeriyooday Maxamed Cabdi Iskeerse oo ka mid ahaa Aasaasayaashii xisbiga Kulmiye horena wasiirkii ganacsiga uga soo qabtay  xukuumadii Madaxweyne Maxamed Xaaji Ibraahin Cigaal.

Iskeerse ayaa muddo xanuun u jiifay Cisbitaalka guud ee magaalada Hargeysa, waxaana dhawr goor halkaasi ku booqday mas’uuliyiin kala duwan oo uu ka mid yahay madaxweyne Siilaanyo.

Iskeerse ayaa hore xilal kala duwan uga soo qabtay Xukuumaddihii  kala danbeeyay ee soo maray talada Soomaaliya intii aanay Somaliland ka go’in Soomaaliya inteeda kale.

Wasiirka Caddaalada Somaliland Axmed faarax Cadarre ayaa sheegay in Marxuumka lagu aasi doono maalinta beri oo Axadda Xabaalaha Xeedho ee waqooyiga Hargeysa.