Sirdoonka Somaliland Oo Ku Hawllan Tallaabooyin Lagu Baadhayo Aqallo Borama Ku Yaalla Oo Laga Shakisan yahay
Borama:Aug,30,2015(SDN/QJ)-Maalmihii ugu dambeeyey Magaalada Borama ee Xarunta Gobolka Awdal, waxa ay ciidamada Ammaanka Somaliland ka wadeen Hawlgallo lagu baadhayo Guryo Halkaasi ku yaalla, waxana si weyn loo baadhay Guryo ku yaalla Xaafadda Sheekh Cali Jawhar.
Hawlgalladaas ayaa lagu soo qabqabtay Tiro dad ah kuwaas oo ciidamada ammaanku la wareegeen, isla-markaana baadhitaanno lagu samaynayo.
Hawlgalada ay intabadan ciidamada amaanku ay ka sameeyaan gudaha magaalada Boorama ayaa ah kuwa ay ku xoojinayaan xaalada amni iyo nabadgalyo ee shacabka, intabadana waxa jira hawlgaladaasi dad lagu soo qabqabto dadkaasi oo intabadan loo gudbiyo Saldhigyada Bilayska oo lagu baadho, waxana intabadan dhacda in hadii dadkaasi lagu waayo wax danbiya xoriyadooda loo soo celiyo.
Ilaa hada ma jiraan warar ka soo baxaaya dadkii lagu soo qabqabtay hawlgaladaasi ay ciidamada amaanka gaar ahaan ciidamada Sirdoonku ka wadeen magaalada Boorama, iyagoo geeyey Jeelal ku yaalla dhinaca Hargeysa.
Si kastaba ha ahaatee hawlgaladan ay ciidamada Sirdoonku ka wadaan magaalada Boorama ayaa ah kuwa lagu sheegay in lagaga hortagaayo dhibaato iyo amni xumo soo waajahda dadka rayidka.
SDN/QJ
Contact@somalidiasporanews.com