Shilalka Gaadiid ee Muqdisho ka Dhacay Sannadkan oo Maanta la soo Bandhigay

Muqdisho 16.Dec 2013 (SDN)- Taliska booliska waddooyinka magaalada Muqdisho ayaa maanta sheegay in 11-kii bil ee la soo dhaafay 14 qof ay ku dhimatay shilal gaari oo ka dhacay magaalada.

Guddoomiyaha xeerarka waddooyinka Dayib Maxamed Dahir ayaa sheegay in 250 gaari ay soo gaareen khasaaro, kaddib shilal ay galeen sanadkan.

Wuxuu tilmaamay in inta badan shilalku ay ka dhashaan aqoon darro dhanka sharciyada waddooyinka ah oo heysata qaar ka mid ah darawallada gaadiidka.

Dayib ayaa ugu baaqay darawallada inay mas’uuliyad isa saaraan, isla markaana ay dhawraan sharciyada, xilli waddooyinka qaar laga hirgaliyay calaamadaha samaafaraha ee kala haga gaadiidka.

Muqdisho SDN.

Qurbejoog.com