Shil Baabuur Oo Shanqof Ku Nafweydey: Shan Qof Oo Ku Dhintay Shil Baabuur Oo Goor Dhawayd Ka Dhacay Duleedka Magaalada Gabiley

Maydadka Shantaa ruux   ayaa la soo gaadhsiiyey  Cusbitaalka Guud Ee Magaalada Gabiley halka labada ruux ee kalana lagu daweynayo isla cusbitaalkaas.

Magaalada Gabiley – Alleh ha u naxariistee waxa shilkaa baabuurka ku naf-waayey Shan Qof, halka  Laba Kalena ay  Ku Dhaawacmeen saacadu markay ahayd  Abaara 5:00 Galabnimo Ka Dhacay Duleedka Magaalada Gabiley.Sida wararka rasmiga ahi ay sheegayaan shilkan waxa sababay  laba baabuur oo is duqeeyey.  Laba Baabuur ayaa la sheegay in ay kala ahayeen noocyadan mid waa kuwa Jad-ka gura ee Loo yaqaano 4.5-ka kaas oo ay lahayd shirkada Jaadka ee Gaafane iyo baabuur noociisu yahay Garandaha oo isagu siday dad rakaab ah.

Marxuumintaa ayaa maydadkoodii la dhigay cusbitaalka Guud ee Magaalada Gabiiley dhawiciina waxa lagu daweynyaa isla cusbitaalkaa magaalada Gabiiley. Ilaa hada lama hayo lamana garanayo magacyada dadkaa ku geeriyooday shilkaa baabuurta sida goobjoogayaashu sheegayaan waxa aan laba aqoonsan karin maydedkaas sida jidkoodii iyo muuqaalkoodiiba aan loo garan karin burburka gaadhay.

dad aad u tiro badan aya ku soo xoomay cusbitaalka Gabiiley  ee la dhigay meydedkaa shilka ku dhintay waxana dadku buux dhaafsheen goobaha ay yaalaan meydadkaasi si ay u eegaan una gartaan shilkani maaha kii ugu horeeyey ee ka dhaca wadooyinka isku xidha Hargeisa iyo boorame iyo hargeisa iyo Berbera

Wargeyska qurbajoog kala soco wixii war ah ee ka soo kordha xaalada mashaqadaa ka dhacday duleedka gabiiley.