Shiicada ka Garab dagaalanta Ciidamada Ciraaq oo Beeniyay inay dib uga Gurteen Dirirta ka socota Magaaladda Talcafar

Baghdad 24. August 2017 (SDN/QJ):-Hogaanka warfaafinta ee Milateriga Ciraaq ayaa beeniyey wararkii sheegayey inay maleeshiyaadkii shiicada ee garabka u ahaa milaterigu ay dib uga baxeen dagaalka ka socda Magaalada Tal-cafar.

 

Bayaan ay Milateriga Ciraaq soo saareen ayay wax kama jiraan ku tilmaameen wararka ay warbaahinta qaarkeed baahinaysay sheegayey inay maleeshiyaadka shiicadu dib uga baxeen dagaalka magaalada Talcafar.

 

 

Warbaahinta baraha xidhiidhka bulshada ee dalka ciraaq qaarkood ayaa tan iyo maalintii shalay waxa ay baahinayeen in maleeshiyaadkii shiicada ee milateriga la socday ay ka madax adaygeen inay galaan colaada magalda Talcafar, diidmadaa oo ay ku sababeeyeen ka qayb qaadashada ay ciidamo maraykan ahi dagaalka qayb ka yihiin.