Shabaab oo mamnuucay Save the Children
Muqdisho Mar 14,2012(SDN)-Kooxda Al Shabaab ayaa soo saaray qoraal ay ku shaacinayaan in ay kala noqdeen ruqsadii shaqo ee ururka Save The Children iyaga oo eedo culusna goaankooda raaciyay.
Xafiiska Shabaabka u qaabilsan ha’yadaha caalemiga ah oo goaakan shaaciyay ayaa sheegay in Save the Children ay caruurta Soomaaliyeed u qeybiyeen raashin dhacay.
Mashaariicda ay Save the Children ka wado dalka ayaa waxaa ka mid ah qudin,goobo caafimaad iyo qodida ceelal biyood.
Ma aha kolkii u horeeyay ee kooxda Shabaabku ay dalka ka eryeen ha’yado caalemiya iyo kuwo wadani ahba.
Save the Children ayaan wax war ah ilaa iyo haatan ka soo saarin goaanka Shabaabku shaaciyeen ee ay ruqsadoodii shaqo ku laaleen.
SDN-Muqdisho