Sarkaal ka tirsanaa Danab oo Laascaanood lagu dilay

Laaascaanood March 24, 2023 (SD) – Sarkaal sare oo ka tirsan ciidamada sida gaarka ah u tababaran ee Soomaaliya loo yaqaano Danab oo fadhigoodu yahay xerada Balli-doogle ee Soomaaliya, isla markaana taageero ka helaya dowladda Mareykanka ayaa la sheegay inuu ku dhintay dagaalka labadii bilood ee lasoo dhaafay ka socday magaalada Laascaanood.

Taliye Maxamed Aadan Suleymaan ayaa madax ka ahaa cutubyo ka tirsan ciidanka booliska oo loo xilsaaray howlgallada iyo baaritaannada ay ka sameeyaan xaafadaha kala duwan ee magaalada Muqdisho. Laakin intii ay dagaaladu ka socdeen Laascaanood, Saleebaan waxa uu warbaahinta gudaha iyo dadweynahaba siiyey warbixin ku saabsan xaaladda Laascaanood, isagoo kala hadlay dagaalladii Somaliland iyo ciidamada iyo SSC.

General Odowaa Yuusuf Raage, Taliyaha Ciidanka Milatariga Soomaaliya oo la hadlay BBC-da ayaa sheegay in cid kasta oo ka tirsan Ciidanka Qaranka ee ka qeyb qaadata colaadda Laascaanood laga saarayo Ciidanka. BBC-da ayaa sidoo kale sheegtay in Saleebaan lagu dilay iska horimaad dhexmaray ciidamada dawladda iyo kuwa Somaliland, colaaddaasi waxaa ku barakacay in ka badan 180,000 oo qof, waxaana ku dhintay in ka badan laba boqol oo qof, sida ay sheegeen hay’adaha xuquuqal insaanku.