Salaadiin iyo Cuqaal Kasoo jeeda Gobolka Sanaag Oo Ka Hadlay Xaalada Gobolkaasi Sanaag

Hargeisa 23/2/2015(SDN/QJ)_Salaadiin iyo Cuqaal Kasoo jeeda Gobolka Sanaag ayaa Ka Hadlay Xaalada Gobolkaasi Sanaag oo ay sheegeen in uu maraayo meeshii ugu liidatay abide e uu gaadho taasi oo ay sheegeen in aanay Xukuumada Silaanyo ee talada dalka haysaa aanay waxba ka fulin balanqaadyadeedii ay doorashada ku gashay iyagoo isla markaasi xusay in ay Xukuumadani awoodii Maamul ee Gobolka ay gacanta u galisay Beesha uu kasoo jeedo Madaxweynuhu iyadoo laga duudsiyey saamigii Beelihii kale ee Gobolka deganaa.
Salaadiinta iyo Cuqaashan oo maanta Warbaahinta kula hadlay Magaalada Hargeysa ayaa waxa kamid ahaa Suldaan Maxamuud Cali Buraale,Suldaan Siciid Maxamuud Cali (Sul.Carab) Cheaf Caaqil C/laahi Cabdale Ismaaciil Aadan
Suldaan Maxamuud Cali Buraale oo hadalka ugu hor qaatay ayaa waxa uu yidhi” waxaanu maanta halkan uga diraynaa Xukuumada Silaanyo isla markaana aanu leenahay kuna cambaaraynaynaa Cadaalad darada iyo Horumar la’aanta baahsan ee ka jirta Gobolka Sanaag gaar ahaan Degmada Ceerigaabo taasoo ay ka maqan tahay Baahiyhii aas aasiga ahaa sida Caafimaadka ,Biyaha Tayada Waxbarashada Laydhka iyo dhamaan baahiyaha Bulshada,iyadoo taasi jirto ayaa hadana waxanoo raacisay xukuumadani arin aad u fool xun oo ah cadaalad daro labaad oo ah inay Beesha uu kasoo jeedo Madaxweynuhu oo kaliya gacanta loo galiyey dhamaan Mansabkii Maamul ee heer Gobol iyo Heer Degmoba marka laga reebo Duqa Degmada Ceerigaabo oo kaliya taasoo aad moodid in la doonayo in reer Sanaag dhexdooda ka keento Fidmo iyo Nabad-galyo daro taasi oo aanu mudooyinkanba aanu dadweynaha ku qancinaynay dawladani way dhamaysatay xilkeediiye iska suga oo codkiina kaga aar-goosta,Hadaba waxaan Shacabka reer Sanaag ugu Baaqayaa inay ilaaliyaan Qaranimada iyo Isku duubnidooda una adkaystaan xaaladaas aynu ku jirnay Mudada shanta sano ah waayo waa arin ay inalla qabaan dhamaan dadweyna reer Somaliland”
Dhinaca kale Suldaan Siciid Maxamuud Cali (Sul.Carab) oo isna madasha ka hadlay ayaa waxa uu yidhi”waxaanu ku cambaaraynaynaa Xukuumada Madaxweyne Silaanyo waxbaqabadkii uu ku balanqaaday waqtigii u doorashada galaayey waxa kaliya oo taabtay wadada oo uu ka fuliyey Shan Kiilomitir oo iyada ay tahay lacagtii laga soo uruuriyey Shacabka Somaliland dal iyo dibadba oo iyana shantaasuun km laga hayo intii kalena meel la mariyey aanan garanayn ,dhinaca kale Beelaha degan Gobolka Sanaag oo sagaal Beelood ah taasi oo xukuumadani ay ku uruurisay uguna gacal miistay Beesha uu kasoo jeedo Madaxweynaha taasi oo la qadiyey Sideedii Beelood ee kale waxa kale oo jirta in Xitaa Garoonka Diyaarada uu yahay Sidiisii oo aan waxba laga qaban ilaa 1991 kii hadaba waxaanu ugu baaqayaa Shacabka reer Sanaag inay ka tashadaan Aaayahooda oo ay codkooda kaga aar-goostaan Xukuumadan,Gobolka Sanaag waa obol baaxad weyn oo xaga nabadgalyada aan ka dhisnay ,Sida degmada Laaso-surad oo aan lahayn Gaadiid Bileys sida Degmada Darar-weyne Fiqi-fuliye Xiin-galool Goof iyo dhamaan degmooyinka Gobolku ma laha Gaadiid Bileys iyo Mid Caafimaad toona Hdaba Madaxweyne Sadex nin Oo Isku Beel ah oo isku Caqliya oo isku f ahi kama talinayaan Somaliland ”
Gabagabadiina waxa hadalka soo gunaanaday Cheaf Caaqil C/laahi Cabdale Ismaaciil Aadan waxaana hadaladiisii ka mid ahaa “in badan ayaanu ka hadalnay xaalada Gobolka iyo Maamulka gaar ka loosiiyey Beesha Madaxweynaha balse maanta waxa noo raacda mar hadii Maamulkii Gobolka Sanaag ee Ummadda wada Degan u dhaxeeyey gaar uu Madaxweynuhu usiiyey Beeshiisii waxa halkaa ka cadaatay Xilkii qaranka ee uu u dhaartay inuu ku wacad furay ,Maxaayeelay Gobolku waa gobolka ugu weyn ee ugunakhayraadka badan haday tahay Wadadii uu dhagax dhigay oo 3.5 km la saaray daamurkii taasina waxaanu ku sifaynaynaa in ay hore yididiilo u ahayd Dadweynaha Gobolka balse hada waxaanu u aragnaa Barnaamij lagu urursanaayo Hantida Ummada ,waxyaabaha aanu aadka ula yaabnay waxa ka mida Degmo dhawaan uu Magacaabay Madaxweynuhu oo ay wada degaan beelo badani ayaa waxa hadana loo Magacaabay Dhamaan xililkeedii beesha Madaxweynaha ,Haba waxaan halkan uga soo jeedinayaa Dhamaan dadweynaha Gobolka Sanaag iyo Guud ahaan ba Somaliland inay Codkooda kagaba badbaadiyaan Dalka Xukuumadan feenatay Dalkii

Xigasho Qarninews.com