Saaka oo Somaliland looga dreerayo Doorashooyinka

Hargeysa November 12, 2024(QJ)-Maanta  ayaa guud ahaan Somaliland waxa loo dareerayaa doorashooyinka la isku geeyey ee madaxtooyada iyo xisbiyada siyaasadda.

Doorashooyinkan ayaa muddo laba sano ah dib u dhac ku yimid, kadib markii la isku qabsaday shuruucda doorashada, iyadoo xukuumaddu doonaysay inay marka hore qabato doorashada xisbiyada siyaasadda si ay murashaxiinta xisbiyadu ugu soo baxaan doorashada madaxtooyada, arrintaas oo ay mucaaradku ka soo horjeesteen.

Mudadii uu khilaafku socday ayaa waxaa soo baxayay maleeshiyaad khalkhal gelinaya ammaanka. Maleeshiyada Buurta Gacan Libaax ayaa weerar gaadmo ah oo ay ku qaadeen Buurta Gacan Libaax ku dileen in ka badan 10 askari oo ka tirsan ciidamada nabad ilaalinta, sidoo kale ku dhawaad ​​10 qof ayaa ku dhintay mudaharaad ay mucaaradku soo abaabuleen ka dib markii ay odayaashu muddo laba sano ah u kordhiyeen Madaxweyne Biixi.

Ugu dambayntii waxa khilaafkii doorashada soo afjaray madax-dhaqameed, waxaanay go’aansadeen in doorashada xisbiga iyo madaxtooyada isku mar la wada qabto, taas oo keentay in xisbiyo cusub uun ku tartamaan doorashada xisbiga, halka xisbiyo dhisani ay ku tartami karaan labadoodaba.

Intaasi ka dib ayaa baarlamaanka iyo madaxweynaha ay ansixiyeen go’aamadii odayaasha, taasoo suurtagelisay in doorashadu ay berrito qabsoonto kadib muran badan.

Loolanka ugu adag ayaa dhexmari doona murrashax Cabdiraxmaan Maxamed Cabdillaahi Cirro oo ka socda xisbiga Waddani iyo Madaxweyne Muuse Biixi Cabdi oo ka socda xisbiga Kulmiye oo Somaliland soo hoggaaminayey muddo ka badan 14 sannadood. In ka badan 1 milyan oo qof ayaa la filayaa inay codeeyaan.