R/wasaaraha Soomaaliya Shirdoon iyo Wafdi uu hogaaminayo Oo gaaray Magaalada Kismaayo ee gobolka J/hoose

Kismaayo March 26 2013 (SDN)– Wararka ka imaanaya Magaalada Kismaayo ee Xarunta gobolka J/hoose ayaa waxaa ay sheegayaan in Ra’iisul wasaaraha Soomaaliya Cabdi Faarax Shirdoon Saacid uu gaaray Magaaladaasi.

Xafiiska Warfaafinta Ra’iisul wasaaraha ayaa xaqiijiyay in Mr Saacid iyo wafdi uu hogaaminayo ay gaareen Magaalada Kismaayo halkaasi oo lagu soo dhaweeyay.

Wafdiga Ra’iisul wasaaraha uu hogaaminayo ayaa waxaa kamid ah Wasiirka Warfaafinta Xukuumada Soomaaliya, Wasiirku Ku-xigeyno iyo Xildhibaano ka tirsan Barlamanka Soomaaliyeed.

Wafdiga Ra’iisul wasaaraha ayaa baaqi ku ahaan doona Magaalada Kismaayo sida la sheegay muddo sadax Cisho waxaan ay kulamo la qaadan doonaan Maamulka KMG ah iyo dadka ku nool Magaaladaasi.

SDN-Kismaayo