RW Rooble oo dhaliilay hanaaka Doorashooyinka dalka

Muqdisho (QJ) – Ra’iisul Wasaarihii hore ee Soomaaliya, Maxamed Xuseen Rooble oo la hadlayay Jaaliyadda Soomaaliyeed ee ku nool dalka Koonfur Afrika ayaa si kulul u dhaliilay isku dayga ay dowladdu ku doonayso inay ku soo rogto qaab doorasho oo hal qof iyo hal cod ah.

Rooble ayaa shaaca ka qaaday in mucaaradnimadiisa uu ku diidan yahay siyaasadii Madaxweynihii hore ee Maxamed C/llaahi Farmaajo ay tahay mid aan waxba iska bedelin xiliga uu Madaxweynaha ka yahay Dowlada Federaalka Soomaaliya Xasan Sheekh Maxamuud.

Rooble ayaa sidoo kale ku nuux nuuxsaday in doorasho aysan socon karin iyadoo aan la isku raacsaneyn, isagoo caddeeyay in hanaanka doorashada aan loo maareyn karin sida geela loo dhaqo.

Rooble ayaa intii uu khudbad ka jeedinayay munaasabadda lagu maamuusayay waxa uu xusay in safarkii uu ku tagay dalka Koonfur Afrika uu la kulmay caqabado la taaban karo, balse waxa uu caddeeyay in caqabadahaas aysan ka weecin doonin mowqifkiisa.

Sidoo kale, Rooble waxa uu sheegay in marka uu Soomaaliya ku soo laabto uu la xisaabtami doono Dowladda Federaalka, isagoo ku maahmaahda Soomaaliyed: “Haddii qof dhagax kugu soo tuuro lagama yaabo inuu ku garaaco, balse waxay muujiyeen cadaawad.