Roobab Khasaare u Gaystay dhismayaal ku Yaal Magaalada Gaalkacayo

Gaalkacayo 04.June 2014 (SDN/QJ)-Roob xalay ka da’ay magaalada Gaalkacyo ayaa burburiyay in ka badan 20 aqal oo ay ku hoyan jireen qoysas soo barakacay oo ku nool xeryo ku yaalla magaaladaas.

Guddoomiyaha xerada dadka soo barakacay ee Hiiraan ee ku taalla Gaalkacyo, Cabdi Madoobe ayaa  sheegay  in roobkii xalay ay ku hooy beeleen tobaneeyo qoys oo deggenaa xerada uu horjoogaha ka yahay, ayna jiraan kuwo kale oo uu roobku aqalladoodii ku burburiyay xeryo kale.

Cabdi ayaa codsaday bacaha laga galo roobka, cunto iyo dawo gargaar ah oo degdeg in la gaarsiiyo dadkaas.

Roobka xalay ka da’ay Gaalkacyo oo billowday fiidnimadii ayaa istaagay saakay aroortii.

Gaalkacayo SDN