Rar lala xiriirinayo Al Shabaab oo lagu soo qaba qabtay oo Howlgallo laga sameeyay Galkacyo

Galkacyo March 17 2013 (SDN)—Magaalada Gaalkacyo qeybta maamulka Puntland ayaa xalay waxaa ciidamada ammaanka ee maamulka Puntland ka sameeyeen howlgalo ballaaran oo ay dad badan kusoo qab-qabteen.

Jaamac Maxamed Axmed taliyaha qeybta Booliiska maamulka Puntland ee Gobalka Mudug ayaa u sheegay Warbaahinta in tirada ay soo qabteen ay tahay dad aad ubadan balse ay si gaar ah utuhmayaan dad kamid ah kuwa ay soo qabteen.

Taliyaha ayaa sheegay in 10-kamid ah dadka ay ciidamada ammaanka ay gacanta kusoo dhigeen baaritaano lagu haayo ciidamadana ay si aad ah uga shakisan yihiin inay Shabaab ka tirsan yihiin balse baaritaano kadib hadii ay ku cadaato Shabaabnimadooda maxkamada ciidamada Puntland la saarayo.

Ugu dambeyn wuxuu sheegay inay sii wadi doonaan howlgalada ay ka sameynayaan Waqooyiga Magaalada Gaalkacyo inta buu yiri Shabaab ay ku sugan yihiin deeganada Gobalkaasi.

Gaalkacyo xilliyada qaar waxaa ka dhaca falal lidi ku ah dhanka ammaanka iyadoo iminka xaalada ay tahay mid degan.

SDN-Galkacyo