Ra’isal Wasaare Saacid oo ka Qayb galay Aas loo sameeyay Marxuum Xildhibaan Maxamed Warsame Maxamed “Feysal” DAAWO

Muqdisho 07.Dec 2013 (SDN)- Ra’iisul Wasaare Cabdi Faarax Shirdoon Saacid ayaa saaka ka qeybgalay aaska Marxuum Xildhibaan Maxamed Warsame Maxamed “Feysal” oo shalay ku geeriyooday magaalada Muqdisho, wuxuuna Ra’iisul Wasaare Saacid halkaasi ka jeediyay erayo tacsi ah.

“Bismillaahi Raxmaani Raxiim, Innaa lillaahi wa inaa illaahi raajicuun, xildhibaan Maxamed Warsame Feysal wuxuu ahaa nin geesi ah, Wadani ah, xaqa iyo xaqdaradu u kala saarantahay, weligiisna waxa uu qabo aanan ka leexan, si cadna u sheega, wuxuu ahaa dadka maanta Soomaaliya u baahan tahay dadka ugu horeeya, Alle ha u naxariisto” ayuu yiri Saacid oo xusay inay dishay gacan ka xaq daran.

R/wasaare Saacid ayaa mar kale yiri. “Wuxuu la mid yahay dadkii Soomaaliyeed oo iyaga oo Soomaaliya u Halgamaya naftooda ku waayay, uguma horeyn, dabcana uguma dambeyn doono, ummadda Soomaaliyeedna waxaan u sheegayaa Feysal ma dhiman, waa noolyahay, waana in looga daydaa sidii uu runta u sheegi jiray”.

Ugu dambeynta waxaa uu tacsi u diray guddoonka Baarlamaanka, Mudanayaasha Baarlamaanka, Qoyskii iyo caruurtii, ehelada, qaraabada, asxaabtii iyo guud ahaan shacabka Soomaaliyeed.

Muqdisho SDN.

Qurbejoog.com