Ra’iisul wasaaraha Soomaaliya oo saakay ku sii jeeda Magaalada Garoowe ee Puntland

Garoowe March 09 2013 (SDN)— Ra’iisul wasaaraha Soomaaliya iyo wafdi uu hogaaminayo ayaa la filayaa in maanta ay gaaraan Magaalada Garoowe ee Xarunta gobolka Nugaal ee Maamul goboleedka Puntland.

Wafdiga Ra’iisul wasaaraha hogaaminayo oo aan la garaneyn xubnaha qeybta ka ah ayaa waxaa la filayaa in ay gaaraan Magaalada Garoowe halkaasi oo ay kula kulmi doonaan Madaxda Maamul goboleedka Puntland.

Magaalada Garoowe ee uu Ra’iisul wasaaraha Soomaaliya Cabdi Faarax Shirdoon Saacid uu gaari doono ayaa waxaa ka soconaya qaban qaabo xoogan oo ku aadan soo dhaweynta Ra’iisul wasaaraha iyo wafdigiisa.

Lama hubo inta maalmood ee uu Ra’iisul wasaaraha Soomaaliya ku sugnaan doono Magaalada Garoowe, hase ahaatee waxa ay wararka qaar sheegayaan in uu Ra’iisul wasaaruhu u gudbi doono Maamul goboleedka Galmudug oo uu la kulmi doono Madaxweynaha Maamulkaasi.

Wixii ku soo kordha safka Ra’iisul wasaaraha halkan kala soco