Qoraagii weynaa ee reer Jabuuti Cumar Cusmaan Raabi oo Qahira ku geeriyooday

Qahira April 18,2013(SDN)-Waxa shalay gelinkii danbe ku geeriyooday allaha u naxariistee Magaalada Qaahira Qoraagii iyo Halgamaagii reer Jabuuti Cumar Osman Raabi.

Marxuumka ayaa dalka Masar loo geeyay si loola tacaalo xaalad caafimaad oo la soo derisatay bilihii u danbeeyay.

Kolkii Hore waxa kharashaadka ku baxayay daaweynta Marxuumka bixineysay dawlada Jabuuti,waxaase kolkii danbe dhacday in Madaxweyne Ismaaciil Cumar Geelle uu joojiyay Bixinta kharashka caafimaad ee Marxuum Cumar Cusmaan Raabi.

Marxuumka ayaa ilaa sadexdii bilood ee u danbeeyay waxa uu ku jiray cusbitaal ku yaal magaalada Qaahira.

Sanado ka hor ayuu Aqoonyahan Cumar Cusmaan Raabi isaga guuray dalka Canada oo uu dib ugu noqday Jamhuuriyada Jabuuti ka dib isu soo dhawaasho dhex martay Xukuumada Jabuuti iyo Marxuumka oo mudooyin badan ahaa Mucaarid.

SDN-Qahira

contact@somalidiasporanews.com