“Qof Maanta Damiir Leh Oo Ku Hadhay Xisbiga Kulmiye Ma Jiro” Marwo Faadumo Siciid DAAWO

Hargaysa 14. September 2017 (SDN/QJ):- La taliyaha Murashaxa Madaxweynaha WADDANI ee arrimaha dibadda Marwo Faadum Siciid oo ka hadlaysay Madal uu Xisbigeedu ku qaabileyay Taageerayaal ka soo Jeeda Gobolka Saaxil oo ku soo Biiray Xisbiga Waddani ayaa cod dheer ku sheegay in ay ku faraxsan tahay in beeshii ay ka soo jeeday ay gebi ahaan ba soo barbar istaagaan isla mar ahaantaana ay horseed ka noqdaan isbedal rasmi ah oo dhaca dalka.

“Waxa maanta iga dhacday Ilmo badan, waxaana ay iiga dhacday in maanta tolkay, adeeraday, ilmaadeerayaashay ay maanta garabkayga taagan yihiin rag iyo dumar, farxad taas ka weynina ma jirto. Maanta waxa aan u sheegayaa dadkii Saxaafadda ka lahaa Faadumo dadkeedii meeye in maanta ay indhahooda ku arkaan oo waa kuwaas, maye dadkii lahaa Cabdi Raygal dadkiisii maye, waxa aan lee yahay waa kuwaas ee indhahu ha idin ooyaan, dadkii lahaa maye Ciise Muuse waxa aan lee yahay waa kuwaas waana la soo socdaa ee middaas oggaada.”. Faadumo Siciid