Qayb ka mid ah Urur Siyaasadeedkii Xaqsoor oo Maanta ku biiray Xisbiga Kulmiye

Hargaysa 05.Dec 2013 (SDN)- Urur siyaasadeedkii xaq soor ee ku hadhay doorashadiii golaha deegaanka  ayaa maanta si rasmi ah ugu  biiray xisbiga talada dalka haya ee kulmiye

Munaasibad balaadhan oo loo sameeyay midawga  urur siyaaasdeedkii xaq soor iyo xisbiga kulmiye oo lagu qabtay huteelka maansoor ee magaaladda hargaysa ayaa waxa kasoo qeyb galay  hogaanka  sare ee xisbiga kulmiye , marwada madaxweyanaha jsl xildhibaano ka tirsan golayaasha Qaranka,   xubno ka mid ah golaha wasiirada , xildhibaanadii golayaasha deegaanka ee ka soo baxay Ururkii Xaqsoor salaadiin iyo marti sharaf  kale.

Xog hayaha guud ee xisbiga kulmiye md xasan siciid yuusuf  oo halkaasi ka hadlay ayaa sheegay in ay soo dhawayanayaan  midawga  xisbiga kulmiye iyo urur siyaasadeedkii xaqsoor taasoo uu ku tilmaamay xaflad taariikh ah  oo qiimo badan waxaanu sheegay in xisbiga kulmiye yahay xisbi weyn   sidaa darteed maanta laga bilaabo ay ka mid yihiin bah weyntiisa .

Gudoomiye ku xigeenka labaad  ee xisbiga  kulmiye md  maxamed xaaji yuusuf waabeeye iyo gudoomiye ku xigeenka sedexaad ee xisbiga kulmiye md cabdiraxmaan talyanle oo halkaasi ka hadlay ayaa ku dheerdaay qiimaha iyo     faa iidada midawgu u leeyahay bulshada waxaanay intaa ku dareen in mudo gaaban ay isku af garteem masuuliyiinta urur siyaasadeedkii xaqsoor in ay  ku midoobaan maantana  loo fadhiyo gurshada tacabkii loo galay midawgaasi.

Gudoomiyaha  golaha dhexe ee xisbiga Kumiye md jaamac shabeel oo ka hadlay xaflada ayaa sheegay in si kal iyo laab ah ay u soo dhawayanayaan   ururkii xaqsoor waxaanu intaa ku daray in 26 xildhibaan oo doorashadii golayaasha deegaanka u soo baxay urur siyaasadeedkii xaqsoor in maanta ay ka mid noqoqnayaan  xisbiga kulmiye.

Eng cabdi qaadir iimaan oo ka mid ahaa gudidii fulinta ee ururkii xaqsoor  iyo gudoomiayaha garabka haweenka ee ururkaasi fadxiya muuse ibaarahin oo iyana halkaasi ka hadlay ayaa sheegay in ay ku faraxsanyhiin midawga  ay la galeen xisbiga kulmiye isla markaana ay la shaqayn doonaan  wixii hada ka danbeeya xukuumada.

Wasiirada wasaaradaha cadaalada , ganacsiga , dhalinayarada, xanaanada xoolaha  oo dhamaan halkaasi ka hadlay ayaa sheegay in ay soo dhawayanayaan urur siyaasadeedkii xaqsoor ee kusoo biiray xisbiga kulmiye iyagoo ku tilmaamay guul u soo hoyatay xisbiga Kulmiye.

Waxaana halkaa  heshiika midawga ee labada dhinac ku saxeexay gudoomiye ku xigeenka koowaad ee xisbiga  kumiye md maxamed kaahin axmed iyo Md axmed Al Ashcari oo ka wakiil ahaa ururkii xaqsoor.

Hargaysa SDN.

Qurbejoog.com