Qabriga Imaam Magac Ku Lahaa Islaamka Oo Ay Burburiyeen Kooxda Al-nusra Ee Dalka Libya
Tripoli:Jan,09,2015(SDN/QJ)-Jabhadda Al-nusra ee ka dagaallanta waddanka libya, ayaa qarax ku xidhay Qabriga Imaam Al-nawawi oo ku aasnaa magaalada Nawa oo ku dhow xadka Suuriya iyo Urdun, kana mid ahaa Imaamyadii magaca ku lahaa dunida islaamka.
Laanta Afka Carabiga ee BBC oo soo xiganeysa wakaaladda warar Suuriya ayaa sheegtay in koox ka tirsan Jabhadda Al-nusra ay ka dambeeyeen qarxinta qabriga Sheekh Al-nawawi.
Jabhadda Al-nusra ayaa magaalada uu ku aasnaa Sheekh Xaafidka ahaa ee Al-nawawi waxey dowladda uu hogaamiyo Bashaar Al-asad ka qabsatay bishii November ee sanadkii tegay ee 2014.
Qabrigan, ayaa waxa booqasho ku tega boqolaal muslimiin ah oo si gaar ah ula dhacsan Fikradaha Sheekh Imaamu Nawawi, waxana arrintan si aad ah u dhaliilay kooxda An-nusra.
Kooxdan ayaa aaminsan in booqasha qabriyada Saalixiintu tahay shirki, waxeyna hore u qarxiyeen Minaaradda Al-jaamic Cumari, sidoo kale waxey beegsadaseen Masjidka Abubakar Alsadiiq ee magaalada Darca ee dalka Suuriya
SDN/QJ