“Puntland waa gabar gaari ah oo qurux badan oo aad u fiican laakiin nasiib daradeedu waxa weeye maalinkasta Aalkoliiste (Khamriya cab) bey guursataa” Ayuu yiri Dr. Gaas

Dubai 20.October 2013 (SDN)- Waxaa munaasabad casho sharaf ah ugu sameeyeen magaalada Dubai Jaaliyada reer Puntland ee halkaas ku dhaqan Raysal wasaarihii hore ee Soomaaliya hadana ah musharax u taagan doorashooyinka Madaxtooyada 8 Jan, 2014 Cabdiweli Maxamed Cali (Gaas).

Xafladda oo ahayd xaflad siwayn loosoo agaasimay ayaa waxaa ka soo qayb galay aqoon yahano siyaasiyiin, ganacsato, isimo iyo bulshadda qaybeheeda kala duwayn dadkii xafladdaasi hadaladda ka soo jeediyay ayaa waxaa ka mid ahaa Eng. Muse xaaji cali Obokor, Aqoonyahan Fazal xawar, Wasiirkii hore ganacsiga puntland Abdisamad yusuf moxamed, Suldaan maxamuud xaaji cagmadhige, Nabadoon jaamacnuur warsame sayax iyo Ganacsato dhuux nuur jaamac.

Dhamaan dadkii xafladaasi ka hadlay ayaa siwayn ugu dheeraaday taariikhda iyo waxqabadkii Pro. Abdiweli xiligii uu ahaa Raisal wasaraha somaliya iyadoo siwayn loo xusay dawladii tayada lahayd oo uu soo dhisay markii xilkaasi loo dhiibay ee la magacbaxday Badbaado qaran.

Wuxuu Mudane  Cabdiwali Gaas sheegay inay Puntland tahay Gabar qurxoon balse nasiib daro sanadkasta ay guursadaan rag Aalkolistayaal ah (Khamriya cabiin).

“Puntland waa gabar gaari ah oo qurux badan oo aad u fiican laakiin nasiib daradeedu waxa weeye maalinkasta Aalkoliiste (Khamriya cab) bey guursataa” Ayuu yiri Dr. Gaas .

Ugu dambeeynti Gaas ayaa Wuxuu kula dardaarmay reer Puntland inaysan guursan Aalkoliiste danbe isagoo yiri “ Marka waxaan leeyahay Puntlandneey Aalkoliiste danbe ha guursan” .

Dubai SDN.

Qurbejoog.com