OGEYSIIS:SHIRWEYNIHII LAANTA WADDANI EE SWEDEN

Waxaanu si sharaf iyo hufnaan leh idiinku wargelinaynaa in shirweynihii Laanta Sweden ee Waddani la qaban doono maalinta sabtida ah ee bishan November 23:keed, saacaddu markay tahay 16:00, waxaana lagu qaban doonaa guriga dadweynaha ee ku yaal Xaafadda Rinkeby.

Iyada oo arrimo badan oo muhiim ah lagaga doodi doono, islamarkaasna lagu qiimeyn doono waxqabadkii gudiga ee sannadkii hore ee inna soo dhaaftay xilka hayay, islamarkaasna lagu dooran doono guddi cusub oo xilka qabta sannadka cusub ee foodda innagu soo haya, waxaa muhiim ah, in xubnaha laanta Sweden ee Waddani ay si buuxda uga soo qeyb galaan, ugana qeyb qaataan dardargelinta Laanta Sweden ee Waddani. Laantan oo ah Laantii 2:aad ee igu horeysay ee Xisbiga Waddani uu yeesho, iyada oo Finland oo qudhi ay ka horeysay.

Waa muhiim qof kasta oo xubin ahi, waanna loo baahan yahay qeybgalkiisa, si uu kaalintiisa u buuxiyo fikir iyo ficilba.

Waxaanu soo dhaweynaynaa xubno cusub, oo iyana innagu soo biiray, waxaan idin leedahay, laab iyo qalbi furan ku soo dhawaada, waxaanan filayaa in aad nagu soo biirin doontaa dhiig iyo dardar cusub.

Ajandada shirka oo ah:
1. Furitaanka shirka
2. Aayaddo quraan ah
3. Doorasho gudoonka shirka, gudoomiye, xoghaye iyo 2 hubiye.
3. Warbixin sannaddeed
4. Warbixin xisaabbeed
5. Warbixin Hanti dhowr
6. Ansaxinta xilgudashada guddigii hore
7. Doorasho guddi cusub
8. Xilwareejin
9. sagootin Gudoomiyihii hore Axmed Cabdillahi Cawaale oo dalkii hooyo u ambabaxaya.
10. Xidhitaanka shirka iyo duco.