Ogaysiis: Kulan Wadatashi Lagu Martiqaaday Qurbajoogga Somaliland ee Gobollada Bari

Xafiiska Xidhiidhka Jaalliyadaha JSL wuxu ogaysiinayaa dhammaan Jaalliyadaha reer Somaliland ee ka soo qaybgali kara in la qaban doono kulan wadatashi lagu martiqaaday Qurba-joogga Somaliland ee ka soo jeeda gobollada bari ee  dalka kaasoo ku beegan maalinta salaasada  21st August, 2012, kana dhici doona City Plaza Hotel, Burco. cabbaara 6:pm (6-da fiidnimo)

Ujeedooyinka kulanka:
wuxu ku saabsanyahay kulankani qiimayn iyo ka wadatashi doorka Qurba-joogga Somaliland ee gobollada bari kaga jiraan dhismaha iyo horumarinta dalka, baahiyaha mudnaanta leh ee dhinacyada adeegyada bulshada iyo kaabayaasha nolosha iyo hababka loo xoojin karo doorka ay Jaalliyaduhu ka qaadan karaan.

Waxa loo qorsheeyay shirkan inay ka soo qaybgalaan 200 xubnood oo Qurba-joogga Somaliland ee gaar ahaan ka soo jeeda gobollada Togdheer, Sool, Sanaag, Saaxil,  Daadmadheedh, Saraar iyo Cayn, masuuliyiin wasaaraddo iyo hay’ado kala duwan oo xukuumadda JSL ka tirsan, ganacsato ay ku jiraan Qurba-joogga dalka maalgashaday iyo xubno kala duwan oo qaybaha bulshada ka tirsan sidoo kale.
Xafiiska Xidhiidhka Jaalliyadaha JSL wuxu qabanayaa shirkan isagoo kaashanaya Maamulka Gobolka Togdheer.

Sidaa darteed, waxannu ka codsanaynaa Qurba-joogga Somaliland ee sida tooska ah shirkani u khuseeyo ee lagu martiqaaday shirkan  inay la soo xidhiidhaan Xafiiska Xidhiidhka Jaaliyadaha JSL ee Hargeysa si loo diwaangeliyo ama iska diwaangeliyaan barta Mareegta Xafiiska Xidhiidhka Jaaliyadaha JSL  www.somalilanddiaspora.org inta ka horraysa 20th August, 2012.

Faahfaahin dheerada kala xidhiidh:

Tel: +252-2-4240161 / 4150248 / 4421481/ 9720333
Email:  info@somalilanddiaspora.org
Website:  www.somalilanddiaspora.org