Nuxurka War Murtiyeed Qaybaha Warbaahinta Somaliland Ka Soo Saartay Shirkada Telesom
Hargaysa 12.Dec 2015 (SDN/QJ):-Warbaahinta kala duwan ee Somaliland iyo ururka suxufiyiinta Somaliland ee SOLJA ayaa war-murtiyeed ka soo saaray Shirkada Telesom oo ay sheegeen inay la wareegtay hawlihii warbaahinta dalku qaban lahayd.
Kulan ay iskugu yimaadeen badi masuuliyiinta Jaraa’idada iyo Tv-yada ayaa laga soo saaray go’aan midaysan oo lagaga hortagayo .
War Murtiyeed ka soo baxay Kullan Warbaahinta Somaliland ku yeelatay Hargeysa
Ujeedada kullanku waxaa ay ahayd in laga tashaddo dhibaato muddo dheer soo jiitamaysay oo Shirkadaha Isgaadhsiintu guud ahaan. gaar ahaan Shirkada Telesom ku hayso warbaahinta. Taasoo ah, inay la wareegtay shaqadii warbaahinta gabi ahaanba oo ay isu rogtay shirkad warbaahineed halkii ay ka ahayd shirkad Telefoon ama is gaadhsiineedba.
Iyadoo la tixraacay haddalo arrintan la xidhiidha oo hore madaxda Wasaarradda Warfaafinta iyo Boosaha iyo isgaadhsiinta uga soo baxay. Islamarkaana la tixgeliyay isku dayo hore oo la doonayay in wax lagaga qabto hawshan oo aan shaqayn, waxaa la isla qaatay.
Go’aamaddan.
In Warbaahintu cadayso mar labaad inay ka midaysan-tahay danteedda. Islamarkaana dib u eegis ku sameyso wadda shaqaynta ay la leedahay shirkadaha Isgaadhsiinta gaar ahaan shirkada Telesom.
In la caddeeyo in aan warbaahintu eegan karrin in si toos ah loola wareego shaqadoodda.
In ay arrintan Warbaahintu guddi u saarto,(Taasoo la magacaabay) si guddigaasi ugala hadasho cabashada ay qabto Hay’adaha dawlaga ah ee ay khusayso, una diyaariso haddii loo baahdo talaabooyinka lagaga gaashaamanayo.
Waxaa la isla qaatay oo kale in bulshadda loo ogolaado inay baahin karraan dhibaatooyinka shirkadahani ku hayaan.
Shirka waxaa ka qayb-galay:
Madaxda ururka Warbaahinta Ee Solja.
Wargeyska Hubaal.
Wargeyska Saxafi
Wargeyska Geeska Afrika
Wargeyska Somaliland Today
Wargeyska Himilo
Wargeyska Waaheen
Wargeyska Haatuuf
Wargeyska Sahan
Wargeyska Saxansaxo
Wargeyska Foore
Wargeyska Jamhuuriya.
Wargeyska, Ogaal
Wargeyska Dawan
Wargeyska Warsugan
Wargeyska Hubsad
TV Station
Tv Horn Cable
Tv Bulsho
TV Somaliland Space Channel
TV SomNews
TV Somali Channel
Star Tv
Universal Tv
Somali Cable
Royal TV
SBC TV
Kalsan tv
Bulsho Tv
Sidoo kale, waxaa goob joog ka ahaa oo ka la qaatay go’aamadan masuuliyiin ka soctoy shabakadaha wararka Intarnetka.
Warbaaahinta Qurbejoog.com waxay taageeraysaa go’aanka ka soo baxay ururka suxufiyiinta Somaliland iyo Jaraa;idada madaxabanaan .