Nin Ka Tirsan Kooxda Daacish Oo Isku Dayay Inuu Gabadh Isku Eekaysiiyo, Si Uu Hawlgal U Fuliyo Balse Iloobay Inuu Iska Xiiro Shaarubaha !

Mousil 30. July 2017 (SDN/QJ):- Ninkan ayaa lagu tilmaamay inuu yahay qofkii ugu caqliga xumaa amase ugu doqonsanaa ee la qabtay isaga oo ka sii baxsanaya Magaalada Mousil ee Dalka Ciraaqa ee dhawaan ciidammada Dalka Ciraaq ay sheegeen inay ka xoreeyeen kooxda Daacish.

Ninkan ayaa markii uu baxsanayay isku dayay inuu isku eekaysiiyo qof dumar ah si aan loo xidhin waxaanu xidhay Toob Cas oo uu si wanaagsan iskugu eekaysiiyay gabadh isaga oo qaabka socodkiisa qofkii arkaa aanu moodayn marnaba rag, isla markaana waxa afka marsaday xamuurad ay haweenku isticmaalaan, nasiib darro ninkani waxa uu iloobay inuu iska xiiro shaarubaha waana arrinta sababtay in ninkaasi uu fashilmo oo gacanta lagu dhigo.

Ninkan ayaa sida la sheegay waxa uu marsaday Bootarka dumarka nooca loo yaqaan For Ever, balse waxa uu ku tallax tagay sida uu u marsaday oo uu aad iskugu badiyay waana arrimaha kale ee keentay inuu fashilmo waana sababta loogu tilmaamay inuu yahay ninkii ugu caqliga liitay kooxda Daacish.